mujhko meri shaKHsiyat se ba-KHabar karta hai tu

mujh ko merī shaḳhsiyat se bā-ḳhabar kartā hai tū

lafz-o-mā'nī kis tarah bāham-digar kartā hai tū

munqasim hote haiñ roz-o-shab hamāre sāmne

vaqt zāhir kis tarah ghaḌiyāl par kartā hai tū

jaañ banī hai būd-o-bāsh-e-ādmī ke vāste

ye makāñ tā'mīr sab se peshtar kartā hai tū

ye mirā in'ām kitnā jaan paatā huuñ tujhe

ye mirī taufīq kitnā mo'tabar kartā hai tū

shukr bhī ik panjgāna farz hai bahr-e-adā

kyā mohabbat hai ki us ko ham-safar kartā hai tū

raas aatī hai dam-e-sub.h siidh satroñ kī tujhe

raat bhar ḳhamdār galiyoñ se guzar kartā hai tū

yuuñ bhī us kā nain naqsha bhūlne vaalā nahīñ

aañkh meñ rakh kar use mahfūz-tar kartā hai tū

raat bhī chhatrī hai jo khultī nahīñ puurī tarah

kaifiyat jo raat ke pichhle pahar kartā hai tū

jis tarah alfāz ko maiñ Dhāltā huuñ she'r meñ

jis tarah resham ke kiiḌe ko ḳhabar kartā hai tū

mujh ko meri shaKHsiyat se ba-KHabar karta hai tu

lafz-o-ma'ni kis tarah baham-digar karta hai tu

munqasim hote hain roz-o-shab hamare samne

waqt zahir kis tarah ghaDiyal par karta hai tu

jaan bani hai bud-o-bash-e-admi ke waste

ye makan ta'mir sab se peshtar karta hai tu

ye mera in'am kitna jaan pata hun tujhe

ye meri taufiq kitna mo'tabar karta hai tu

shukr bhi ek panjgana farz hai bahr-e-ada

kya mohabbat hai ki us ko ham-safar karta hai tu

ras aati hai dam-e-subh sidh satron ki tujhe

raat bhar KHamdar galiyon se guzar karta hai tu

yun bhi us ka nain naqsha bhulne wala nahin

aankh mein rakh kar use mahfuz-tar karta hai tu

raat bhi chhatri hai jo khulti nahin puri tarah

kaifiyat jo raat ke pichhle pahar karta hai tu

jis tarah alfaz ko main Dhaalta hun she'r mein

jis tarah resham ke kiDe ko KHabar karta hai tu