mujhko zindagani se talKHiyan nahin hotin

mujh ko zindagānī se talḳhiyāñ nahīñ hotīñ

haath meñ agar mere degrēyāñ nahīñ hotīñ

bāġhbāñ ne ḳhud apnā e.atibār kho Daalā

is liye baġhīche meñ titliyāñ nahīñ hotīñ

har ġharīb meñ un ko ḳhāmiyāñ nazar aa.iiñ

bas amiir logoñ meñ ḳhāmiyāñ nahīñ hotīñ

zaḳhm ke liye āḳhir ik zabān kaafī hai

har kisī ke hāthoñ meñ barchhiyāñ nahīñ hotīñ

bad-duāoñ se bach kar aadmī rahe varna

muflisoñ kī aahoñ meñ siskiyāñ nahīñ hotīñ

kyā pata unheñ kaise janm din manāte haiñ

jin gharoñ meñ khāne ko roTiyāñ nahīñ hotīñ

ḳhush-nasīb haiñ jin ko rahmateñ milīñ 'raunaq'

har kisī kī qismat meñ beTiyāñ nahīñ hotīñ

mujh ko zindagani se talKHiyan nahin hotin

hath mein agar mere degreeyan nahin hotin

baghban ne KHud apna eatibar kho Dala

is liye baghiche mein titliyan nahin hotin

har gharib mein un ko KHamiyan nazar aain

bas amir logon mein KHamiyan nahin hotin

zaKHm ke liye aaKHir ek zaban kafi hai

har kisi ke hathon mein barchhiyan nahin hotin

bad-duaon se bach kar aadmi rahe warna

muflison ki aahon mein siskiyan nahin hotin

kya pata unhen kaise janm din manate hain

jin gharon mein khane ko roTiyan nahin hotin

KHush-nasib hain jin ko rahmaten milin 'raunaq'

har kisi ki qismat mein beTiyan nahin hotin