mujh par wafa ki sham ka bujhta sa rang hai

mujh par vafā kī shaam kā bujhtā sā rang hai

maiñ tujh se tang huuñ to ye dil mujh se tang hai

ye jo kamāñ-ba-dast huuñ tīr-o-tafang hai

ḳhud se ḳhafā huuñ maiñ mirī ḳhud se hī jang hai

bātoñ meñ 'ājizī hai to lahja dabang hai

dekho zarā ye kaun hai kaisā malang hai

sajda husain ne kiyā aisā ki aaj tak

yazdāñ kī bārgah meñ 'ibādat bhī dang hai

khultā hai mujh pe aaj vo nā-yāfta badan

raqsāñ ḳhushī se jism kā har ang ang hai

mujh par khule darīcha koī shahr-e-yār kā

is des kī havā mire siine pe tang hai

ḳhud se miTā ke chal ye udāsī ke ḳhāl-o-ḳhad

tūl-e-safar ko chhoḌ ki tū mere sang hai

maiñ ne 'alī ke naam pe māñgā ḳhudā se 'ilm

sad-shukr merī zaat pe haidar kā rang hai

mujh par wafa ki sham ka bujhta sa rang hai

main tujh se tang hun to ye dil mujh se tang hai

ye jo kaman-ba-dast hun tir-o-tafang hai

KHud se KHafa hun main meri KHud se hi jang hai

baaton mein 'ajizi hai to lahja dabang hai

dekho zara ye kaun hai kaisa malang hai

sajda husain ne kiya aisa ki aaj tak

yazdan ki bargah mein 'ibaadat bhi dang hai

khulta hai mujh pe aaj wo na-yafta badan

raqsan KHushi se jism ka har ang ang hai

mujh par khule daricha koi shahr-e-yar ka

is des ki hawa mere sine pe tang hai

KHud se miTa ke chal ye udasi ke KHal-o-KHad

tul-e-safar ko chhoD ki tu mere sang hai

main ne 'ali ke nam pe manga KHuda se 'ilm

sad-shukr meri zat pe haidar ka rang hai