mujh pe ehsan kisi ka tha hi nahin

mujh pe ehsāñ kisī kā thā hī nahīñ

sar kahīñ par kabhī jhukā hī nahīñ

zindagī kyā hai jāntā hī nahīñ

pyaar jis ne kabhī kiyā hī nahīñ

tujh se haT kar vujūd 'ālam kā

dil kisī taur māntā hī nahīñ

māl-o-zar ke sabhī haiñ dīvāne

pyaar ko koī pūchhtā hī nahīñ

ruup kyā rang kyā mohabbat kyā

sab hai bekār agar vafā hī nahīñ

us ne jo chāhā bas huā vo hī

apnā chāhā kabhī huā hī nahīñ

haal saarā likhā thā chehre par

us ne chehra mirā paḌhā hī nahīñ

zindagī ab batā tujhe kyā duuñ

vaqt-e-ruḳhsat to kuchh bachā hī nahīñ

Dhal na jaa.e jo shaam tak yaaro

aisā sūraj kabhī ugā hī nahīñ

tujh se bichhḌā to sāz-e-dil ai dost

aisā TuuTā ki phir juḌā hī nahīñ

rah ga.iiñ bas likhī kitāboñ meñ

merī ġhazloñ ko sur milā hī nahīñ

ik ishāre pe jaan de detā

tum ne 'gulshan' se kuchh kahā hī nahīñ

mujh pe ehsan kisi ka tha hi nahin

sar kahin par kabhi jhuka hi nahin

zindagi kya hai jaanta hi nahin

pyar jis ne kabhi kiya hi nahin

tujh se haT kar wujud 'alam ka

dil kisi taur manta hi nahin

mal-o-zar ke sabhi hain diwane

pyar ko koi puchhta hi nahin

rup kya rang kya mohabbat kya

sab hai bekar agar wafa hi nahin

us ne jo chaha bas hua wo hi

apna chaha kabhi hua hi nahin

haal sara likha tha chehre par

us ne chehra mera paDha hi nahin

zindagi ab bata tujhe kya dun

waqt-e-ruKHsat to kuchh bacha hi nahin

Dhal na jae jo sham tak yaro

aisa suraj kabhi uga hi nahin

tujh se bichhDa to saz-e-dil ai dost

aisa TuTa ki phir juDa hi nahin

rah gain bas likhi kitabon mein

meri ghazlon ko sur mila hi nahin

ek ishaare pe jaan de deta

tum ne 'gulshan' se kuchh kaha hi nahin