mujh pe har ek raaz-e-bahr-o-bar khula

mujh pe har ik rāz-e-bahr-o-bar khulā

dīd-e-pas-manzar se har manzar khulā

jab samajh aaya mujhe lā-taqnatū

kāmrānī kā muqaffal dar khulā

thā adam kī tah meñ hastī kā surāġh

mar ga.e jab uqda mushkil-tar khulā

vus.at-e-gardūñ bhī mujh ko kuchh na thī

jab bulandī par mirā shah-par khulā

hālat-e-dil na chhupā.ī jā sakī

rāz-e-pinhāñ tujh se chashm-e-tar khulā

jab bisāt-e-dil ulaT dī vaqt ne

tab kahīñ jā kar vo fitna-gar khulā

intizār-e-yār 'naġhmī' iztirāb

ham ne darvāza rakhā shab bhar khulā

mujh pe har ek raaz-e-bahr-o-bar khula

did-e-pas-manzar se har manzar khula

jab samajh aaya mujhe la-taqnatu

kaamrani ka muqaffal dar khula

tha adam ki tah mein hasti ka suragh

mar gae jab uqda mushkil-tar khula

wusat-e-gardun bhi mujh ko kuchh na thi

jab bulandi par mera shah-par khula

haalat-e-dil na chhupai ja saki

raaz-e-pinhan tujh se chashm-e-tar khula

jab bisat-e-dil ulaT di waqt ne

tab kahin ja kar wo fitna-gar khula

intizar-e-yar 'naghmi' iztirab

hum ne darwaza rakha shab bhar khula