mujhse kya aur ab aaKHir ye hawa chahti hai

mujh se kyā aur ab āḳhir ye havā chāhtī hai

ek dīvār thī so vo bhī girā chāhtī hai

mausam-e-gul meñ salāmat rahe dāman yā-rab

phir koī taaza kalī dil meñ khilā chāhtī hai

terī sūrat ho samā.at meñ numāyāñ jis se

ḳhāmushī apnī vahī rang-e-sadā chāhtī hai

maiñ ki Dartā huuñ bahut raat ke sannāTe se

aur vahshat hai ki ab dar bhī khulā chāhtī hai

jis kī daulat se ham aksar tujhe pā lete the

dil kī chhoTī sī nishānī vo miTā chāhtī hai

mujh se kya aur ab aaKHir ye hawa chahti hai

ek diwar thi so wo bhi gira chahti hai

mausam-e-gul mein salamat rahe daman ya-rab

phir koi taza kali dil mein khila chahti hai

teri surat ho samaat mein numayan jis se

KHamushi apni wahi rang-e-sada chahti hai

main ki Darta hun bahut raat ke sannaTe se

aur wahshat hai ki ab dar bhi khula chahti hai

jis ki daulat se hum aksar tujhe pa lete the

dil ki chhoTi si nishani wo miTa chahti hai