mujhse waqif to mere jism ka saya bhi na tha

mujh se vāqif to mire jism kā saayā bhī na thā

kaise ho jaatā tumhārā maiñ ḳhud apnā bhī na thā

jitnā māyūs hai vo shaḳhs bichhaḌ kar mujh se

utnī shiddat se to maiñ ne use chāhā bhī na thā

chand lamhoñ kī rifāqat hī bahut thī ai dost

is se baḌh kar to koī aur taqāzā bhī na thā

jaise ilzām lagā.e haiñ mire sar us ne

aisī nazroñ se to maiñ ne use dekhā bhī na thā

tū bhī ġhairoñ kā sā bartāv karegā mujh se

maiñ ne aisā to kisī haal meñ sochā bhī na thā

mujh se waqif to mere jism ka saya bhi na tha

kaise ho jata tumhaara main KHud apna bhi na tha

jitna mayus hai wo shaKHs bichhaD kar mujh se

utni shiddat se to main ne use chaha bhi na tha

chand lamhon ki rifaqat hi bahut thi ai dost

is se baDh kar to koi aur taqaza bhi na tha

jaise ilzam lagae hain mere sar us ne

aisi nazron se to main ne use dekha bhi na tha

tu bhi ghairon ka sa bartaw karega mujh se

main ne aisa to kisi haal mein socha bhi na tha