mujhe apne hi andar chor sa mahsus hota hai

mujhe apne hī andar chor sā mahsūs hotā hai

tujhe dekhūñ to koī dekhtā mahsūs hotā hai

tahayyur kā ye 'ālam hai ki jis ko dekh kar guzreñ

palaT ke dekhiye to dūsrā mahsūs hotā hai

maiñ andar se bahut ḳhālī huuñ lekin tum bhī sachche ho

ki merā jism bāhar se bharā mahsūs hotā hai

mire andar kisī shai ne bahut halchal machā.ī hai

jahāñ bhī baiThtā huuñ zalzala mahsūs hotā hai

magar ik 'umr lagtī hai yahāñ tak aane meñ sāhib

jahāñ nuqsān meñ bhī fā.eda mahsūs hotā hai

na jaane 'ishq kī ab kaun sī manzil pe faa.ez huuñ

jahāñ maiñ huuñ vahāñ 'faisal' ḳhudā mahsūs hotā hai

mujhe apne hi andar chor sa mahsus hota hai

tujhe dekhun to koi dekhta mahsus hota hai

tahayyur ka ye 'alam hai ki jis ko dekh kar guzren

palaT ke dekhiye to dusra mahsus hota hai

main andar se bahut KHali hun lekin tum bhi sachche ho

ki mera jism bahar se bhara mahsus hota hai

mere andar kisi shai ne bahut halchal machai hai

jahan bhi baiThta hun zalzala mahsus hota hai

magar ek 'umr lagti hai yahan tak aane mein sahib

jahan nuqsan mein bhi faeda mahsus hota hai

na jaane 'ishq ki ab kaun si manzil pe faez hun

jahan main hun wahan 'faisal' KHuda mahsus hota hai