mujhe apni sarhad-e-ruh mein kisi ma-siwa ki talash hai

mujhe apnī sarhad-e-rūh meñ kisī mā-sivā kī talāsh hai

jo nafas nafas meñ hai maujzan usī ham-navā kī talāsh hai

tire saath merā vajūd ho pas-e-parda raqs-o-surūd ho

jahāñ do diloñ kī numūd ho mujhe us fazā kī talāsh hai

tū usūl-e-ishq pe lab-kushā maiñ kamāl-e-ishq pe harf-zan

tujhe ibtidā kī hai justujū mujhe intihā kī talāsh hai

shab-o-roz se mujhe rabt kyā mah-o-mehr se mujhe kyā ġharaz

mah-o-mehr jis se bane usī ruḳh-e-pur-ziyā kī talāsh hai

mujhe maut de to kuchh aisī de jo hayāt ban ke ubhar sake

jo baqā ke ruup meñ Dhal sake mujhe us fanā kī talāsh hai

mujhe koī fikr nahīñ 'muhib' ki mirī panāh meñ hai vafā

jo vafā-shi.ār nahīñ use ravish-e-vafā kī talāsh hai

mujhe apni sarhad-e-ruh mein kisi ma-siwa ki talash hai

jo nafas nafas mein hai maujzan usi ham-nawa ki talash hai

tere sath mera wajud ho pas-e-parda raqs-o-surud ho

jahan do dilon ki numud ho mujhe us faza ki talash hai

tu usul-e-ishq pe lab-kusha main kamal-e-ishq pe harf-zan

tujhe ibtida ki hai justuju mujhe intiha ki talash hai

shab-o-roz se mujhe rabt kya mah-o-mehr se mujhe kya gharaz

mah-o-mehr jis se bane usi ruKH-e-pur-ziya ki talash hai

mujhe maut de to kuchh aisi de jo hayat ban ke ubhar sake

jo baqa ke rup mein Dhal sake mujhe us fana ki talash hai

mujhe koi fikr nahin 'muhib' ki meri panah mein hai wafa

jo wafa-shiar nahin use rawish-e-wafa ki talash hai