mujhe chaman mein gulon se teri siyah zulfon ki bas aai

mujhe chaman meñ guloñ se terī siyāh zulfoñ kī baas aa.ī

bhulā chukā thā jise mirā dil vo yaad phir dil ke paas aa.ī

hai kaj-adā.ī kā terī charchā zamāne bhar meñ ai jān-e-jānāñ

sabā bhī terī galī se lauTī to dil-shikasta udaas aa.ī

pilā na saaqī tū ḳhum se apne ki tishnagī ye ajiib sī hai

nazar ke sāġhar se hī bujhegī jo aaj hoñToñ pe pyaas aa.ī

na be-vafā.ī kā tum se shikva gila na apne nasīb se hai

mujhe hī taur-e-vafā na aaya mujhe mohabbat na raas aa.ī

bigāḌ paa.e na dasht-o-sahrā junūn-o-vahshat kā kuchh bhī 'shaukat'

magar vahāñ jab ḳhirad ga.ī to gañvā ke hosh-o-havās aa.ī

mujhe chaman mein gulon se teri siyah zulfon ki bas aai

bhula chuka tha jise mera dil wo yaad phir dil ke pas aai

hai kaj-adai ka teri charcha zamane bhar mein ai jaan-e-jaanan

saba bhi teri gali se lauTi to dil-shikasta udas aai

pila na saqi tu KHum se apne ki tishnagi ye ajib si hai

nazar ke saghar se hi bujhegi jo aaj honTon pe pyas aai

na be-wafai ka tum se shikwa gila na apne nasib se hai

mujhe hi taur-e-wafa na aaya mujhe mohabbat na ras aai

bigaD pae na dasht-o-sahra junun-o-wahshat ka kuchh bhi 'shaukat'

magar wahan jab KHirad gai to ganwa ke hosh-o-hawas aai