mujhe dil ke arman se fursat nahin

mujhe dil ke armāñ se fursat nahīñ

yahī ab musībat hai rāhat nahīñ

tirī aarzū se to huuñ be-umīd

tujhe bhuul jā.ūñ ye qudrat nahīñ

unheñ naaz hai husn par apne yuuñ

ki un se sivā ḳhūb-sūrat nahīñ

mile vo na mujh ko to kyā ho gayā

ḳhudā jāntā hai ki hasrat nahīñ

mohabbat meñ sab hī pareshāñ rahe

ye sun kar unheñ tum se ulfat nahīñ

vo vā'de pe apne na aa.e kabhī

yahī un kī 'ādat hai ġhaflat nahīñ

vahāñ ḳhud na jaanā ai 'bāsir' kabhī

ki mahbūb ke dar pe 'izzat nahīñ

mujhe dil ke arman se fursat nahin

yahi ab musibat hai rahat nahin

teri aarzu se to hun be-umid

tujhe bhul jaun ye qudrat nahin

unhen naz hai husn par apne yun

ki un se siwa KHub-surat nahin

mile wo na mujh ko to kya ho gaya

KHuda jaanta hai ki hasrat nahin

mohabbat mein sab hi pareshan rahe

ye sun kar unhen tum se ulfat nahin

wo wa'de pe apne na aae kabhi

yahi un ki 'adat hai ghaflat nahin

wahan KHud na jaana ai 'basir' kabhi

ki mahbub ke dar pe 'izzat nahin