mujhe duniya walo sharabi na samjho main pita nahin hun pilai gai hai

mujhe duniyā vaalo sharābī na samjho maiñ piitā nahīñ huuñ pilā.ī ga.ī hai

jahāñ be-ḳhudī meñ qadam laḌkhaḌā.e vahī raah mujh ko dikhā.ī ga.ī hai

nashe meñ huuñ lekin mujhe ye ḳhabar haiñ ki is zindagī meñ sabhī pī rahe hai

kisī ko mile haiñ chhalakte piyāle kisī ko nazar se pilā.ī ga.ī hai

kisī ko nasha hai jahāñ meñ ḳhushī kā kisī ko nasha hai ġham-e-zindagī kā

koī pī rahā hai lahū aadmī kā har ik dil meñ mastī rachā.ī ga.ī hai

zamāne ke yaaro chalan haiñ nirāle yahāñ tan haiñ ujle magar dil haiñ kaale

ye duniyā hai duniyā yahāñ māl-o-zar meñ diloñ kī ḳharābī chhupā.ī ga.ī hai

mujhe duniya walo sharabi na samjho main pita nahin hun pilai gai hai

jahan be-KHudi mein qadam laDkhaDae wahi rah mujh ko dikhai gai hai

nashe mein hun lekin mujhe ye KHabar hain ki is zindagi mein sabhi pi rahe hai

kisi ko mile hain chhalakte piyale kisi ko nazar se pilai gai hai

kisi ko nasha hai jahan mein KHushi ka kisi ko nasha hai gham-e-zindagi ka

koi pi raha hai lahu aadmi ka har ek dil mein masti rachai gai hai

zamane ke yaro chalan hain nirale yahan tan hain ujle magar dil hain kale

ye duniya hai duniya yahan mal-o-zar mein dilon ki KHarabi chhupai gai hai