mujhe kuchh bhi nahin hua ai dost

mujhe kuchh bhī nahīñ huā ai dost

ādatan huuñ bujhā bujhā ai dost

maiñ mizājan ḳhamosh rahtā huuñ

maiñ kisī se nahīñ ḳhafā ai dost

dosh qismat ko de diyā maiñ ne

mujh se jab kuchh na ban paḌā ai dost

kyā mujhe vo azīz-az-jāñ hai

maiñ ne jis ko gañvā diyā ai dost

ḳhud-farebī meñ mubtalā huuñ maiñ

kaun mujh sā hai bevafā ai dost

lauT jā.ūñ maiñ shahr-e-ḳhvāb ai kaash

dasht meñ dil nahīñ lagā ai dost

dost apnā koī nahīñ 'kāshif'

kyā kisī ko pukārnā ai dost

mujhe kuchh bhi nahin hua ai dost

aadatan hun bujha bujha ai dost

main mizajan KHamosh rahta hun

main kisi se nahin KHafa ai dost

dosh qismat ko de diya main ne

mujh se jab kuchh na ban paDa ai dost

kya mujhe wo aziz-az-jaan hai

main ne jis ko ganwa diya ai dost

KHud-farebi mein mubtala hun main

kaun mujh sa hai bewafa ai dost

lauT jaun main shahr-e-KHwab ai kash

dasht mein dil nahin laga ai dost

dost apna koi nahin 'kashif'

kya kisi ko pukarna ai dost