mujhe ranj hoga na maut ka agar aisi maut nasib ho

mujhe ranj hogā na maut kā agar aisī maut nasīb ho

mirā dam jo nikle to ai ḳhudā mire paas merā habīb ho

hai abas davāoñ kā sochnā na tū fikrmand tabīb ho

tū ilaaj us kā karegā kyā jo marīz-e-ishq-e-habīb ho

kar asiir mujh ko ba-sad-ḳhushī magar itnī arz bhī sun mirī

vahāñ qaid kar ki qafas mirā mire āshiyāñ ke qarīb ho

jise tere husn kī ho ḳhabar vahī chashm-e-ishq hai mo'tabar

baḌī ḳhush-nasīb hai vo nazar tirī diid jis ko nasīb ho

shab-o-roz 'purnam'-e-ġham-zada rahe dard-e-dil meñ jo mubtalā

vo qarār paa.e to kis tarah use chain kaise nasīb ho

mujhe ranj hoga na maut ka agar aisi maut nasib ho

mera dam jo nikle to ai KHuda mere pas mera habib ho

hai abas dawaon ka sochna na tu fikrmand tabib ho

tu ilaj us ka karega kya jo mariz-e-ishq-e-habib ho

kar asir mujh ko ba-sad-KHushi magar itni arz bhi sun meri

wahan qaid kar ki qafas mera mere aashiyan ke qarib ho

jise tere husn ki ho KHabar wahi chashm-e-ishq hai mo'tabar

baDi KHush-nasib hai wo nazar teri did jis ko nasib ho

shab-o-roz 'purnam'-e-gham-zada rahe dard-e-dil mein jo mubtala

wo qarar pae to kis tarah use chain kaise nasib ho