mujhe sawal ki sharmindagi se uljhan thi

mujhe savāl kī sharmindagī se uljhan thī

vo mere pūchhe binā har javāb rakhtā thā

hamāre hijr ke mausam guzārne ke liye

sirhāne apne mirī ik kitāb rakhtā thā

vo bhuul jaatā thā ḳhud par sitam jo ho jaa.eñ

magar jo mujh pe hoñ saare hisāb rakhtā thā

mirī thakī huī āñkhoñ meñ pyaas rahtī thī

vo ḳhvāb ḳhvāb sī āñkhoñ meñ aab rakhtā thā

use pata thā mujhe lafz chhoḌ jaate haiñ

so merī ruuh se aksar ḳhitāb rakhtā thā

ye mard-o-zan ke tafarqoñ se us ko nafrat thī

vo har safar meñ mujhe ham-rikāb rakhtā thā

mujhe sawal ki sharmindagi se uljhan thi

wo mere puchhe bina har jawab rakhta tha

hamare hijr ke mausam guzarne ke liye

sirhane apne meri ek kitab rakhta tha

wo bhul jata tha KHud par sitam jo ho jaen

magar jo mujh pe hon sare hisab rakhta tha

meri thaki hui aankhon mein pyas rahti thi

wo KHwab KHwab si aankhon mein aab rakhta tha

use pata tha mujhe lafz chhoD jate hain

so meri ruh se aksar KHitab rakhta tha

ye mard-o-zan ke tafarqon se us ko nafrat thi

wo har safar mein mujhe ham-rikab rakhta tha