mujhe to jam-o-mai-o-gul ka intizar nahin

mujhe to jām-o-mai-o-gul kā intizār nahīñ

maiñ ḳhud bahār huuñ mere liye bahār nahīñ

huzūr-e-ishq agar husn be-qarār nahīñ

shab-e-firāq koī lutf-e-intizār nahīñ

ba-qadr-e-zarf diyā jaam sab ko saaqī ne

ye baat vo hai hameñ jis kā e.atibār nahīñ

maiñ aap apnī hī manzil kā ḳhizr-e-manzil huuñ

junūñ meñ koī bhī merā sharīk-e-kār nahīñ

hayāt-o-maut pe ham tabsire kareñ kaise

hayāt-o-maut pe jab koī iḳhtiyār nahīñ

hujūm-o-yās ke aalam meñ dard-e-furqat meñ

ba-juz tumhāre koī aur rāzdār nahīñ

tilism-e-zīst ne kuchh aise gul khilā.e haiñ

ki ab nazar meñ koī qīmat-e-bahār nahīñ

jo dard baḳhshā hai tum ne usī pe nāzāñ haiñ

matā-e-zīst nahīñ fikr-e-rozgār nahīñ

mujhe to jam-o-mai-o-gul ka intizar nahin

main KHud bahaar hun mere liye bahaar nahin

huzur-e-ishq agar husn be-qarar nahin

shab-e-firaq koi lutf-e-intizar nahin

ba-qadr-e-zarf diya jam sab ko saqi ne

ye baat wo hai hamein jis ka eatibar nahin

main aap apni hi manzil ka KHizr-e-manzil hun

junun mein koi bhi mera sharik-e-kar nahin

hayat-o-maut pe hum tabsire karen kaise

hayat-o-maut pe jab koi iKHtiyar nahin

hujum-o-yas ke aalam mein dard-e-furqat mein

ba-juz tumhaare koi aur raazdar nahin

tilism-e-zist ne kuchh aise gul khilae hain

ki ab nazar mein koi qimat-e-bahaar nahin

jo dard baKHsha hai tum ne usi pe nazan hain

mata-e-zist nahin fikr-e-rozgar nahin