mujhe to KHud nahin malum hai ki kya hun main

mujhe to ḳhud nahīñ mā'lūm hai ki kyā huuñ maiñ

kisī ke jalvoñ meñ gum ho ke rah gayā huuñ maiñ

mire sukūt ko sirf ahl-e-dil hī samjheñge

ḳhamosh rah ke baḌī baat kah gayā huuñ maiñ

mujhe na sun ki samā'at pe terī baar na ho

shikasta-sāz kī bikhrī huī sadā huuñ maiñ

nahīñ hai zulmat-e-shab hī muhīb mere liye

ki chāñdnī meñ bhī aksar taḌap gayā huuñ maiñ

har ik se pūchhtā phirtā huuñ tere ghar kā pata

tirī talāsh meñ dīvāna ho gayā huuñ maiñ

hayāt-o-maut kī uljhan meñ mubtalā ho kar

tirī nigāh ke andāz dekhtā huuñ maiñ

qadam milā ke chalūñ bhī to kaise maiñ 'bismil'

ki tez-rau hai zamāna shikasta-pā huuñ maiñ

mujhe to KHud nahin ma'lum hai ki kya hun main

kisi ke jalwon mein gum ho ke rah gaya hun main

mere sukut ko sirf ahl-e-dil hi samjhenge

KHamosh rah ke baDi baat kah gaya hun main

mujhe na sun ki sama'at pe teri bar na ho

shikasta-saz ki bikhri hui sada hun main

nahin hai zulmat-e-shab hi muhib mere liye

ki chandni mein bhi aksar taDap gaya hun main

har ek se puchhta phirta hun tere ghar ka pata

teri talash mein diwana ho gaya hun main

hayat-o-maut ki uljhan mein mubtala ho kar

teri nigah ke andaz dekhta hun main

qadam mila ke chalun bhi to kaise main 'bismil'

ki tez-rau hai zamana shikasta-pa hun main