mujhe to ranj qaba-ha-e-tar-tar ka hai

mujhe to ranj qabā-hā-e-tār-tār kā hai

ḳhizāñ se baḌh ke guloñ par sitam bahār kā hai

koī nigāh to qindīl sirf manzil kī

charāġh-e-dil koī har ek rahguzār kā hai

har ek zarre ko hai āftāb kī taufīq

har ek qatre meñ imkān ābshār kā hai

hazār rang subūhī meñ sau fusūñ gul meñ

magar jo ruup lab-o-āriz-e-nigār kā hai

agar nasha hai to saaqī kī mast āñkhoñ meñ

agar maza hai to mahbūb ke kanār kā hai

hamāre ishq kī sanjīdgī pe tanz na kar

hameñ ḳhabar hai magar mas.ala vaqār kā hai

kisī ke vasl ke lamhe bhī ḳhuub the 'shaukat'

magar jo hijr meñ aalam ye intizār kā hai

mujhe to ranj qaba-ha-e-tar-tar ka hai

KHizan se baDh ke gulon par sitam bahaar ka hai

koi nigah to qindil sirf manzil ki

charagh-e-dil koi har ek rahguzar ka hai

har ek zarre ko hai aaftab ki taufiq

har ek qatre mein imkan aabshaar ka hai

hazar rang subuhi mein sau fusun gul mein

magar jo rup lab-o-ariz-e-nigar ka hai

agar nasha hai to saqi ki mast aankhon mein

agar maza hai to mahbub ke kanar ka hai

hamare ishq ki sanjidgi pe tanz na kar

hamein KHabar hai magar masala waqar ka hai

kisi ke wasl ke lamhe bhi KHub the 'shaukat'

magar jo hijr mein aalam ye intizar ka hai