mujhe to shama ek bujhti hui malum hoti hai

mujhe to sham.a ik bujhtī huī ma.alūm hotī hai

ki jaise saañs har ik āḳhirī ma.alūm hotī hai

tumhārā naam lene se mahaktī hai zabāñ merī

tumhāre tazkaroñ se rut na.ī ma.alūm hotī hai

ye rasta bhī mire hī saath chaltā jā rahā hai kyoñ

mujhe donoñ kī manzil ek hī ma.alūm hotī hai

tire bin aise jiite haiñ ki jaise bojh hoñ ḳhud par

hameñ ye zindagī to maut hī ma.alūm hotī hai

vo aise jhūmtī hai bārishoñ meñ raqs kartī hai

kisī jangal kī jaise mornī ma.alūm hotī hai

tumhīñ batlāo ham is ko judā kaise kareñ 'sāhil'

tumhārī yaad sāñsoñ meñ basī ma.alūm hotī hai

mujhe to shama ek bujhti hui malum hoti hai

ki jaise sans har ek aaKHiri malum hoti hai

tumhaara nam lene se mahakti hai zaban meri

tumhaare tazkaron se rut nai malum hoti hai

ye rasta bhi mere hi sath chalta ja raha hai kyon

mujhe donon ki manzil ek hi malum hoti hai

tere bin aise jite hain ki jaise bojh hon KHud par

hamein ye zindagi to maut hi malum hoti hai

wo aise jhumti hai barishon mein raqs karti hai

kisi jangal ki jaise morni malum hoti hai

tumhin batlao hum is ko juda kaise karen 'sahil'

tumhaari yaad sanson mein basi malum hoti hai