mujhe ye Dar hai har har uzw mera dil na ban jae

mujhe ye Dar hai har har uzv merā dil na ban jaa.e

mohabbat kā ye uqda uqda-e-mushkil na ban jaa.e

ye soz-e-sham.a-e-raushan aur ye sāz-e-ḳhūn-e-parvāna

kisī kā jalva phir rangīnī-e-mahfil na bin jaa.e

talāsh-e-ka.aba-e-maqsūd meñ ye garm-raftārī

mirā har har qadam sang-e-rah-e-manzil na ban jaa.e

ajab kyā hai ki roz-e-hashr ye tar-dāmanī 'najmī'

hamārī mazra'-e-ummīd kā hāsil na ban jaa.e

mujhe ye Dar hai har har uzw mera dil na ban jae

mohabbat ka ye uqda uqda-e-mushkil na ban jae

ye soz-e-shama-e-raushan aur ye saz-e-KHun-e-parwana

kisi ka jalwa phir rangini-e-mahfil na bin jae

talash-e-kaba-e-maqsud mein ye garm-raftari

mera har har qadam sang-e-rah-e-manzil na ban jae

ajab kya hai ki roz-e-hashr ye tar-damani 'najmi'

hamari mazra'-e-ummid ka hasil na ban jae