mujhe ye Dar hai ki ab bas yahi na kar baiThun

mujhe ye Dar hai ki ab bas yahī na kar baiThūñ

tirī ḳhushī meñ kahīñ ḳhud-kushī na kar baiThūñ

vo sun ke is liye mujh ko javāb detā nahīñ

savāl us se koī āḳhirī na kar baiThūñ

maiñ jis ko DhūñD rahā thā vo mil gayā mujh meñ

tamām shikve gile aaj hī na kar baiThūñ

har ek samt mujhe tū dikhā.ī detā hai

maiñ ek 'ishq ke pīchhe ka.ī na kar baiThūñ

baḌe jatan se banāyā hai us ne jis ko ḳhudā

kahīñ maiñ chhū ke use aadmī na kar baiThūñ

chale bhī aao ke ik roz ye bhī mumkin hai

tumhāre naam maiñ ye zindagī na kar baiThūñ

kuchh is liye bhī tavajjoh-talab ziyāda huuñ

jo kah rahā huuñ kahīñ vāqa'ī na kar baiThūñ

mujhe ye Dar hai ki ab bas yahi na kar baiThun

teri KHushi mein kahin KHud-kushi na kar baiThun

wo sun ke is liye mujh ko jawab deta nahin

sawal us se koi aaKHiri na kar baiThun

main jis ko DhunD raha tha wo mil gaya mujh mein

tamam shikwe gile aaj hi na kar baiThun

har ek samt mujhe tu dikhai deta hai

main ek 'ishq ke pichhe kai na kar baiThun

baDe jatan se banaya hai us ne jis ko KHuda

kahin main chhu ke use aadmi na kar baiThun

chale bhi aao ke ek roz ye bhi mumkin hai

tumhaare nam main ye zindagi na kar baiThun

kuchh is liye bhi tawajjoh-talab ziyaada hun

jo kah raha hun kahin waqa'i na kar baiThun