mujhi mein Dub gaya dushmani nibhate hue
mujhī meñ Duub gayā dushmanī nibhāte hue
ḳhudā bhī haar gayā mujh ko āzmāte hue
bhaTak na jaa.e vo din-rāt ke añdhere meñ
maiñ bujh rahā huuñ jise rāsta dikhāte hue
guzar rahe haiñ shikastoñ ke bhes meñ ham bhī
na.e safar ke liye manzileñ banāte hue
ulajh rahā hai vo mujh se haqīqatoñ kī tarah
maiñ jhuuT bol rahā huuñ use manāte hue
ye raqs kartī huī raushnī ke saa.e haiñ
ki haath kaañp rahe haiñ diyā jalāte hue
mujhi mein Dub gaya dushmani nibhate hue
KHuda bhi haar gaya mujh ko aazmate hue
bhaTak na jae wo din-raat ke andhere mein
main bujh raha hun jise rasta dikhate hue
guzar rahe hain shikaston ke bhes mein hum bhi
nae safar ke liye manzilen banate hue
ulajh raha hai wo mujh se haqiqaton ki tarah
main jhuT bol raha hun use manate hue
ye raqs karti hui raushni ke sae hain
ki hath kanp rahe hain diya jalate hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
