mukammal mohabbat ka dastur dekha

mukammal mohabbat kā dastūr dekhā

yahīñ saarī duniyā ko majbūr dekhā

har ik samt maiñ ne nayā tuur dekhā

jidhar aañkh uThā.ī udhar nuur dekhā

fareb-āshnāoñ ko muḳhtār paayā

sadāqat-pasandoñ ko majbūr dekhā

har ik daur ke saath dastūr badlā

aTal ek qudrat kā dastūr dekhā

qadam rāh-e-ulfat meñ rakhte hī maiñ ne

huzūr achchhe-achchhoñ ko majbūr dekhā

jin āñkhoñ ne dekhī haiñ āñkheñ tumhārī

hamesha un āñkhoñ ko maḳhmūr dekhā

kisī ne sar-e-tūr dil meñ kisī ne

har ik ne use tā-ba-maqdūr dekhā

mohabbat ke iqbāl se husn ko bhī

mohabbat kā mamnūn-o-mashkūr dekhā

ḳhudā kī qasam maiñ ne dekhā jahāñ tak

ḳhudā ke sivā sab ko majbūr dekhā

huī baa'd murdan bhī ai 'qadr' hairat

jo bante hue ruuh ko huur dekhā

mukammal mohabbat ka dastur dekha

yahin sari duniya ko majbur dekha

har ek samt main ne naya tur dekha

jidhar aankh uThai udhar nur dekha

fareb-ashnaon ko muKHtar paya

sadaqat-pasandon ko majbur dekha

har ek daur ke sath dastur badla

aTal ek qudrat ka dastur dekha

qadam rah-e-ulfat mein rakhte hi main ne

huzur achchhe-achchhon ko majbur dekha

jin aankhon ne dekhi hain aankhen tumhaari

hamesha un aankhon ko maKHmur dekha

kisi ne sar-e-tur dil mein kisi ne

har ek ne use ta-ba-maqdur dekha

mohabbat ke iqbaal se husn ko bhi

mohabbat ka mamnun-o-mashkur dekha

KHuda ki qasam main ne dekha jahan tak

KHuda ke siwa sab ko majbur dekha

hui ba'd murdan bhi ai 'qadr' hairat

jo bante hue ruh ko hur dekha