muKhaalifat wo bhi yar mera karega meri

muḳhālifat vo bhī yaar merā karegā merī

vo dushmanī tak meñ bevaqūfoñ kahegā merī

mirī nazar meñ vo us kī naqsha-garī karegā

agar muarriḳh hayāt pe kuchh likhegā merī

udhar vo ḳhud bhī jahāñ se rishte ko toḌ degā

idhar ḳhabar facebōk pe jaise paḌhegā merī

janāb-e-ġham-ḳhvār biich raste na chhoḌ jaanā

udaas rātoñ meñ kaun chīḳheñ sunegā merī

ġhilāf-e-kā'ba pakaḌ ke māñgā hai us ko maiñ ne

vo ik na ik din zarūr qismat banegā merī

vo film tak meñ judā.ī kā scene kāTtā hai

to kaise phir vo judā.ī āḳhir sahegā merī

muKHalifat wo bhi yar mera karega meri

wo dushmani tak mein bewaqufon kahega meri

meri nazar mein wo us ki naqsha-gari karega

agar muarriKH hayat pe kuchh likhega meri

udhar wo KHud bhi jahan se rishte ko toD dega

idhar KHabar facebook pe jaise paDhega meri

janab-e-gham-KHwar bich raste na chhoD jaana

udas raaton mein kaun chiKHen sunega meri

ghilaf-e-ka'ba pakaD ke manga hai us ko main ne

wo ek na ek din zarur qismat banega meri

wo film tak mein judai ka scene kaTta hai

to kaise phir wo judai aaKHir sahega meri