muKhaalifin bhi hon to salam karna hai

muḳhālifīn bhī hoñ to salām karnā hai

hameñ ḳhulūs-o-mohabbat se kaam karnā hai

yahī hai ḳhvāhish-o-armāñ ki sab ke kaam aa.uuñ

yahī hai kaam zarūrī ye kaam karnā hai

ye zindagī hai ḳhud ehsān is ke badle meñ

ḳhudā kā shukr hameñ sub.h-o-shām karnā hai

na phuuT Daal sakegā koī hamāre biich

ham ek haiñ hameñ charchā ye aam karnā hai

ġhamoñ se laakh huuñ majbūr phir bhī duniyā meñ

sabhī ko pesh masarrat kā jaam karnā hai

dukhī diloñ ke madad-gār jis meñ hoñ 'sāhir'

jahāñ meñ ham ko vo raa.ij nizām karnā hai

muKHalifin bhi hon to salam karna hai

hamein KHulus-o-mohabbat se kaam karna hai

yahi hai KHwahish-o-arman ki sab ke kaam aaun

yahi hai kaam zaruri ye kaam karna hai

ye zindagi hai KHud ehsan is ke badle mein

KHuda ka shukr hamein subh-o-sham karna hai

na phuT Dal sakega koi hamare bich

hum ek hain hamein charcha ye aam karna hai

ghamon se lakh hun majbur phir bhi duniya mein

sabhi ko pesh masarrat ka jam karna hai

dukhi dilon ke madad-gar jis mein hon 'sahir'

jahan mein hum ko wo raij nizam karna hai