muKHtalif sab se magar sab se ujali duniya

muḳhtalif sab se magar sab se ujālī duniyā

ham se dil vāloñ kī duniyā hai nirālī duniyā

zahr-e-nafrat se nazar aatī hai kaalī duniyā

kyoñ mohabbat se huī jaatī hai ḳhālī duniyā

ḳhvāb tadbīr se ta.abīr meñ Dhal jaate haiñ

kyoñ basā.e hue baiThe ho ḳhayālī duniyā

sohbateñ raas na aa.iiñ hameñ farzānoñ kī

ham ne vīrāne meñ yuuñ apnī basā lī duniyā

aisī kyā laag hai kis soch meñ paḌ jaatī hai

dekh kar chehra-e-insāñ pe bahālī duniyā

vāqi.a ye hai muqaddar ke sikandar haiñ ham

de ga.e ham ko jo ajdād misālī duniyā

de ke kyā jā.eñge ham apne jigar-pāroñ ko

yahī ganjīna-e-aqdār se ḳhālī duniyā

ujḌī duniyā kā basānā nahīñ āsān 'sahar'

bas ki ik baar basā lī to basā lī duniyā

muKHtalif sab se magar sab se ujali duniya

hum se dil walon ki duniya hai nirali duniya

zahr-e-nafrat se nazar aati hai kali duniya

kyon mohabbat se hui jati hai KHali duniya

KHwab tadbir se tabir mein Dhal jate hain

kyon basae hue baiThe ho KHayali duniya

sohbaten ras na aain hamein farzanon ki

hum ne virane mein yun apni basa li duniya

aisi kya lag hai kis soch mein paD jati hai

dekh kar chehra-e-insan pe bahaali duniya

waqia ye hai muqaddar ke sikandar hain hum

de gae hum ko jo ajdad misali duniya

de ke kya jaenge hum apne jigar-paron ko

yahi ganjina-e-aqdar se KHali duniya

ujDi duniya ka basana nahin aasan 'sahar'

bas ki ek bar basa li to basa li duniya