mulk ko aaKHir mere ab ye hua kya hai KHuda

mulk ko āḳhir mire ab ye huā kyā hai ḳhudā

ho rahe dañge fasādoñ kī davā kyā hai ḳhudā

rahnumā hī mulk ke dushman bane baiThe hoñ phir

mulk meñ bahte hue ḳhuuñ kī sazā kyā hai ḳhudā

maz.habī matlab ne Dheroñ naam meñ bāñTā tujhe

tū to qaazī hai batā is kī sazā kyā hai ḳhudā

kahte haiñ sab saarī duniyā ko banāyā tum ne to

god allāh aur bhagvan ye batā kyā hai ḳhudā

mandiroñ yā masjidoñ meñ tū batā jā.ūñ kahāñ

dar pe tere jaane kā ik rāsta kyā hai ḳhudā

tū madārī hai jahāñ kā aur sab kaTh-putliyāñ

tū fasādoñ kī vaj.h is meñ gila kyā hai ḳhudā

sab kahe 'kātib' tū kāfir hai pe vo ḳhush hai bahut

rahm-dil hai vo batā is meñ ḳhatā kyā hai ḳhudā

mulk ko aaKHir mere ab ye hua kya hai KHuda

ho rahe dange fasadon ki dawa kya hai KHuda

rahnuma hi mulk ke dushman bane baiThe hon phir

mulk mein bahte hue KHun ki saza kya hai KHuda

mazhabi matlab ne Dheron nam mein banTa tujhe

tu to qazi hai bata is ki saza kya hai KHuda

kahte hain sab sari duniya ko banaya tum ne to

god allah aur bhagwan ye bata kya hai KHuda

mandiron ya masjidon mein tu bata jaun kahan

dar pe tere jaane ka ek rasta kya hai KHuda

tu madari hai jahan ka aur sab kaTh-putliyan

tu fasadon ki wajh is mein gila kya hai KHuda

sab kahe 'katib' tu kafir hai pe wo KHush hai bahut

rahm-dil hai wo bata is mein KHata kya hai KHuda