mumkin kahan ghamon ka naya silsila na ho

mumkin kahāñ ġhamoñ kā nayā silsila na ho

jo ramz-e-iltifāt se dil āshnā na ho

vasl-e-nigār kī nahīñ manzil ho dastyāb

rāh-e-talab meñ koī agar naqsh-e-pā na ho

hai mauj-e-dard kī baḌī be-ġhairatī agar

parvāz dard-e-'ishq kī be-intihā na ho

jab husn ke hijāb meñ aayā hai inqalāb

tab ishtihā-e-dīd bhī kyūñ-kar sivā na ho

rusvā.iyoñ se pur hai agar 'ishq kā mizāj

behtar hai tab diloñ meñ koī rābta na ho

ashkoñ kā ḳhāndān hai arfa' na mo'tabar

ḳhūn-e-jigar kā is meñ agar zā.iqa na ho

duniyā maqām-e-ibtilā hai jānte haiñ sab

phir kyā javāz-e-hashr jo mutlaq ḳhatā na ho

'aḳhtar' na hogī nudrat-e-fikr-e-suḳhan agar

nok-e-qalam meñ zauq-e-tajassus bharā na ho

mumkin kahan ghamon ka naya silsila na ho

jo ramz-e-iltifat se dil aashna na ho

wasl-e-nigar ki nahin manzil ho dastyab

rah-e-talab mein koi agar naqsh-e-pa na ho

hai mauj-e-dard ki baDi be-ghairati agar

parwaz dard-e-'ishq ki be-intiha na ho

jab husn ke hijab mein aaya hai inqalab

tab ishtiha-e-did bhi kyun-kar siwa na ho

ruswaiyon se pur hai agar 'ishq ka mizaj

behtar hai tab dilon mein koi rabta na ho

ashkon ka KHandan hai arfa' na mo'tabar

KHun-e-jigar ka is mein agar zaiqa na ho

duniya maqam-e-ibtila hai jaante hain sab

phir kya jawaz-e-hashr jo mutlaq KHata na ho

'aKHtar' na hogi nudrat-e-fikr-e-suKHan agar

nok-e-qalam mein zauq-e-tajassus bhara na ho