munh dikha kar munh chhupana kuchh nahin

muñh dikhā kar muñh chhupānā kuchh nahīñ

kuchh nahīñ ye muñh dikhānā kuchh nahīñ

thā jo kyā kuchh baat kahte kuchh na thā

aadmī kā bhī Thikānā kuchh nahīñ

gul haiñ māshūqoñ ke dāman ke liye

qabr-e-āshiq par chaḌhānā kuchh nahīñ

hai satāne kā bhī lutf ik vaqt par

har ghaḌī un ko satānā kuchh nahīñ

be-manā.e man ga.e ham aap se

aise rūThe ko manānā kuchh nahīñ

haath se gulchīñ ke jhaTke kaun khaa.e

shāḳh-e-gul par āshiyānā kuchh nahīñ

ye hasīñ haiñ pyaar kar lene kī chiiz

in hasīnoñ ko satānā kuchh nahīñ

ai habāb apnī zarā hastī to dekh

is par itnā sar uThānā kuchh nahīñ

tū ne tauba kī to hai lekin 'riyāz'

baat kā terī Thikānā kuchh nahīñ

munh dikha kar munh chhupana kuchh nahin

kuchh nahin ye munh dikhana kuchh nahin

tha jo kya kuchh baat kahte kuchh na tha

aadmi ka bhi Thikana kuchh nahin

gul hain mashuqon ke daman ke liye

qabr-e-ashiq par chaDhana kuchh nahin

hai satane ka bhi lutf ek waqt par

har ghaDi un ko satana kuchh nahin

be-manae man gae hum aap se

aise ruThe ko manana kuchh nahin

hath se gulchin ke jhaTke kaun khae

shaKH-e-gul par aashiyana kuchh nahin

ye hasin hain pyar kar lene ki chiz

in hasinon ko satana kuchh nahin

ai habab apni zara hasti to dekh

is par itna sar uThana kuchh nahin

tu ne tauba ki to hai lekin 'riyaz'

baat ka teri Thikana kuchh nahin