munsif hai to ye ‘uzr-e-siyah-kar bhi le ja

munsif hai to ye ‘uzr-e-siyah-kār bhī le jā

sūraj ko kisī din pas-e-dīvār bhī le jā

gar tujh se sañbhal paa.e girāñ-bār amānat

le jā mire sar se mirī dastār bhī le jā

be-vasf to ye kaj-kulahī kaam na degī

aa mujh se mirī vaz’-e-tarah-dār bhī le jā

le jā.eñgī maujeñ hī bahā kar mujhe us paar

le merā safīna mirī patvār bhī le jā

afsāna-e-dil ḳhatm huā marg-e-anā par

ai dast-e-ajal le mirā shah-kār bhī le jā

ik TuuTā huā dil hai mire paas 'mujībī'

bik jaa.e to is ko sar-e-bāzār bhī le jā

munsif hai to ye ‘uzr-e-siyah-kar bhi le ja

suraj ko kisi din pas-e-diwar bhi le ja

gar tujh se sanbhal pae giran-bar amanat

le ja mere sar se meri dastar bhi le ja

be-wasf to ye kaj-kulahi kaam na degi

aa mujh se meri waz’-e-tarah-dar bhi le ja

le jaengi maujen hi baha kar mujhe us par

le mera safina meri patwar bhi le ja

afsana-e-dil KHatm hua marg-e-ana par

ai dast-e-ajal le mera shah-kar bhi le ja

ek TuTa hua dil hai mere pas 'mujibi'

bik jae to is ko sar-e-bazar bhi le ja