muntazir insan apne fikr ki tamjid ka

muntazir insān apne fikr kī tamjīd kā

vaqt aa.egā kabhī insān kī tauhīd kā

sochtā huuñ sochnā bhī aadmī kā jurm hai

har yaqīñ tālib hai mere fikr kī tahdīd kā

rāsta ta.amīr-e-millat kā nikal aa.egā kuchh

vā ho darvāza gar istifhām kā tanqīd kā

zer ho jaa.e zabardastī kā lashkar ek din

ho sabaq tashdīd kā hissa faqat tajvīd kā

jabr kī bastī meñ bhī raa.e kī āzādī mile

sab ko istehqāq ho tā.īd kā tardīd kā

ho ga.ī farsūda vaa.iz aap kī ye dāstāñ

aa gayā hai vaqt ab afkār kī tajdīd kā

guftugū ke fan se haiñ nā-āshnā kyoñ log sab

har koī mushtāq apnī soch kī tā.īd kā

soch par pahre 'hidāyat' hoñ to kyā ho irtiqā

mujtahid bhī ban gayā hai ḳhosha-chīñ taqlīd kā

muntazir insan apne fikr ki tamjid ka

waqt aaega kabhi insan ki tauhid ka

sochta hun sochna bhi aadmi ka jurm hai

har yaqin talib hai mere fikr ki tahdid ka

rasta tamir-e-millat ka nikal aaega kuchh

wa ho darwaza gar istifham ka tanqid ka

zer ho jae zabardasti ka lashkar ek din

ho sabaq tashdid ka hissa faqat tajwid ka

jabr ki basti mein bhi rae ki aazadi mile

sab ko istehqaq ho taid ka tardid ka

ho gai farsuda waiz aap ki ye dastan

aa gaya hai waqt ab afkar ki tajdid ka

guftugu ke fan se hain na-ashna kyon log sab

har koi mushtaq apni soch ki taid ka

soch par pahre 'hidayat' hon to kya ho irtiqa

mujtahid bhi ban gaya hai KHosha-chin taqlid ka