muqabil ek zamana aur saf-arai meri

muqābil ik zamāna aur saf-ārā.ī merī

zamāne se bhī kab ho kar rahī paspā.ī merī

qadam hairat-sarā.e ke jahāñ tasḳhīr karte

Thahar jaatī kisī manzar pe jab bīnā.ī merī

kisī sāzish meñ laanā mudda.ā thā dostoñ kā

so pahle kī ga.ī thī hausla-afzā.ī merī

tamāshā-gāh se behtar kahīñ ḳhalvat-nashīnī

sahar-āsār hai mere liye tanhā.ī merī

bahut chāhā bahut rokā pe saare band TuuTe

ki aañkh us ko achānak dekh kar bhar aa.ī merī

muqayyad ho ke kab tak kaun rahtā hai ki 'mehdī'

galī-kūchoñ tak āḳhir aa ga.ī rusvā.ī merī

muqabil ek zamana aur saf-arai meri

zamane se bhi kab ho kar rahi paspai meri

qadam hairat-sarae ke jahan tasKHir karte

Thahar jati kisi manzar pe jab binai meri

kisi sazish mein lana muddaa tha doston ka

so pahle ki gai thi hausla-afzai meri

tamasha-gah se behtar kahin KHalwat-nashini

sahar-asar hai mere liye tanhai meri

bahut chaha bahut roka pe sare band TuTe

ki aankh us ko achanak dekh kar bhar aai meri

muqayyad ho ke kab tak kaun rahta hai ki 'mehdi'

gali-kuchon tak aaKHir aa gai ruswai meri