muqaddar mein junun-e-fitna-saman le ke aaya hun

muqaddar meñ junūn-e-fitna-sāmāñ le ke aaya huuñ

hayāt-e-ġham ke zarroñ meñ bayābāñ le ke aaya huuñ

nazar hasrat-badāmāñ dil pareshāñ le ke aaya huuñ

pa-e-nazr.e-junūñ ye sāz-o-sāmāñ le ke aaya huuñ

mirī āñkhoñ kī dur-afshāniyāñ mash.hūr-e-ālam haiñ

azal hī se maiñ ḳhū-e-abr-e-naisāñ le ke aaya huuñ

udhar vo ek husn-e-jalva-sāmāñ le ke aa.e haiñ

idhar maiñ ek zauq-e-husn-o-irfāñ le ke aaya huuñ

hadīs-e-ishq-o-sharh-e-husn ke jauhar luTātā huuñ

maiñ shā.ir huuñ shu.ūr-e-husn-o-irfāñ le ke aaya huuñ

idhar maujoñ ne sar piiTā udhar girdāb chakrā.e

maiñ qatra huuñ magar dariyā meñ tūfāñ le ke aaya huuñ

nazar aa.egī phir vo ishrat-e-rafta qafas vaalo

'musavvir' huuñ maiñ tasvīr-e-gulistāñ le ke aaya huuñ

muqaddar mein junun-e-fitna-saman le ke aaya hun

hayat-e-gham ke zarron mein bayaban le ke aaya hun

nazar hasrat-badaman dil pareshan le ke aaya hun

pa-e-nazre-junun ye saz-o-saman le ke aaya hun

meri aankhon ki dur-afshaniyan mashhur-e-alam hain

azal hi se main KHu-e-abr-e-naisan le ke aaya hun

udhar wo ek husn-e-jalwa-saman le ke aae hain

idhar main ek zauq-e-husn-o-irfan le ke aaya hun

hadis-e-ishq-o-sharh-e-husn ke jauhar luTata hun

main shair hun shuur-e-husn-o-irfan le ke aaya hun

idhar maujon ne sar piTa udhar girdab chakrae

main qatra hun magar dariya mein tufan le ke aaya hun

nazar aaegi phir wo ishrat-e-rafta qafas walo

'musawwir' hun main taswir-e-gulistan le ke aaya hun