muqayyad zat ke andar nahin main
muqayyad zaat ke andar nahīñ maiñ
charāġh-e-gumbad-e-be-dar nahīñ meñ
mujhe bhī rāsta de bahr-e-ḳhilqat
kisī fir.aun kā lashkar nahīñ maiñ
tū sustāne ko Thahrā hai yaqīnan
tirī parvāz kā mehvar nahīñ maiñ
rahe kaise musalsal ek mausam
kisī tasvīr kā manzar nahīñ maiñ
tū jab chāhe mujhe tasḳhīr kar le
tire imkān se bāhar nahīñ maiñ
vo phir aayā hai 'rāhat' sulh karne
koī kah de use ghar par nahīñ maiñ
muqayyad zat ke andar nahin main
charagh-e-gumbad-e-be-dar nahin mein
mujhe bhi rasta de bahr-e-KHilqat
kisi firaun ka lashkar nahin main
tu sustane ko Thahra hai yaqinan
teri parwaz ka mehwar nahin main
rahe kaise musalsal ek mausam
kisi taswir ka manzar nahin main
tu jab chahe mujhe tasKHir kar le
tere imkan se bahar nahin main
wo phir aaya hai 'rahat' sulh karne
koi kah de use ghar par nahin main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
