musalahat se nikalenge hal dua se nahin

musālahat se nikāleñge hal du'ā se nahīñ

hamārā mas.ala bandoñ se hai ḳhudā se nahīñ

mujhe anā ko bhī apnī javāb denā hai

palaT ke ā.ūñgā lekin tirī sadā se nahīñ

tū har libās meñ bhātā hai merī āñkhoñ ko

mujhe to 'ishq hai tujh se tirī qabā se nahīñ

unheñ bas itnā batānā mire ta'alluq se

charāġh se hai ta'alluq mirā havā se nahīñ

tamām 'umr usī kā rahūñgā maiñ 'sharjīl'

agar vo merā nahīñ hai mirī balā se nahīñ

musalahat se nikalenge hal du'a se nahin

hamara masala bandon se hai KHuda se nahin

mujhe ana ko bhi apni jawab dena hai

palaT ke aaunga lekin teri sada se nahin

tu har libas mein bhata hai meri aankhon ko

mujhe to 'ishq hai tujh se teri qaba se nahin

unhen bas itna batana mere ta'alluq se

charagh se hai ta'alluq mera hawa se nahin

tamam 'umr usi ka rahunga main 'sharjil'

agar wo mera nahin hai meri bala se nahin