musalsal ashk-bari kar raha tha

musalsal ashk-bārī kar rahā thā

maiñ apnī ābiyārī kar rahā thā

mujhe vo ḳhvāb phir se dekhnā thā

maiñ ḳhud pe niiñd taarī kar rahā thā

ka.ī din tak thā merī dastaras meñ

maiñ ab dariyā ko jaarī kar rahā thā

mujhe ruk ruk ke panchhī dekhte the

maiñ patthar par savārī kar rahā thā

guzarnā thā bahut mushkil udhar se

darīcha chāñd-mārī kar rahā thā

koī atom thā mere jism-o-jāñ meñ

maiñ jis kī tāb-kārī kar rahā thā

safīne sab ke sab ġharqāb kar ke

samundar āh-o-zārī kar rahā thā

mujhe fitrat bhī ghistī jā rahī thī

maiñ ḳhud bhī reg-mārī kar rahā thā

merī duty thī ḳhemoñ kī hifāzat

magar maiñ āb-dārī kar rahā thā

sitāre TimTimānā ruk ga.e the

maiñ phir aḳhtar-shumārī kar rahā thā

mujhe bhiḌnā thā kis vahshī se lekin

maiñ kis pāgal se yaarī kar rahā thā

bahut se kaam karne the 'liyāqat'

jinheñ maiñ baarī baarī kar rahā thā

musalsal ashk-bari kar raha tha

main apni aabiyari kar raha tha

mujhe wo KHwab phir se dekhna tha

main KHud pe nind tari kar raha tha

kai din tak tha meri dastaras mein

main ab dariya ko jari kar raha tha

mujhe ruk ruk ke panchhi dekhte the

main patthar par sawari kar raha tha

guzarna tha bahut mushkil udhar se

daricha chand-mari kar raha tha

koi atom tha mere jism-o-jaan mein

main jis ki tab-kari kar raha tha

safine sab ke sab gharqab kar ke

samundar aah-o-zari kar raha tha

mujhe fitrat bhi ghisti ja rahi thi

main KHud bhi reg-mari kar raha tha

meri duty thi KHemon ki hifazat

magar main aab-dari kar raha tha

sitare TimTimana ruk gae the

main phir aKHtar-shumari kar raha tha

mujhe bhiDna tha kis wahshi se lekin

main kis pagal se yari kar raha tha

bahut se kaam karne the 'liyaqat'

jinhen main bari bari kar raha tha