mushkil mein agar mujh par teri na nazar jae

mushkil meñ agar mujh par terī na nazar jaa.e

ye banda-e-ājiz phir jaa.e to kidhar jaa.e

tūfān meñ kashtī ko chhoḌā hai to chhoḌā hai

āḳhir ye kashākash kyoñ Duube yā ubhar jaa.e

ye soch ke dete haiñ ḳhuuñ arz-e-vatan tujh ko

apnī na sahī terī taqdīr sañvar jaa.e

hāthoñ kī lakīroñ meñ jo hādisa likkhā hai

shaam aa.e sahar aa.e jab chāhe guzar jaa.e

ik phuul kī qismat meñ likkhā hai fanā honā

gesū se utar jaa.e turbat pe bikhar jaa.e

duniyā meñ bahut terī shohrat hai magar 'ahsan'

ḳhatra hai koī tujh ko badnām na kar jaa.e

mushkil mein agar mujh par teri na nazar jae

ye banda-e-ajiz phir jae to kidhar jae

tufan mein kashti ko chhoDa hai to chhoDa hai

aaKHir ye kashakash kyon Dube ya ubhar jae

ye soch ke dete hain KHun arz-e-watan tujh ko

apni na sahi teri taqdir sanwar jae

hathon ki lakiron mein jo hadisa likkha hai

sham aae sahar aae jab chahe guzar jae

ek phul ki qismat mein likkha hai fana hona

gesu se utar jae turbat pe bikhar jae

duniya mein bahut teri shohrat hai magar 'ahsan'

KHatra hai koi tujh ko badnam na kar jae