mushtahar nam karo tum mera aKHbaron mein

mushtahar naam karo tum mirā aḳhbāroñ meñ

maiñ to shāmil huuñ mohabbat ke gunahgāroñ meñ

mar ke bhī zinda-e-jāved haiñ fankār-e-azīm

jo nazar aate haiñ tārīḳh ke shah-pāroñ meñ

vaqt ke saath badal jaate haiñ jin ke atvār

mujhe shāmil na karo aise qalam-kāroñ meñ

log ab ghar se nikalte hue yuuñ Darte haiñ

nazr-e-dahshat kahīñ ho jaa.eñ na bāzāroñ meñ

jin ke sur taal haiñ ab raunaq-e-bāzār-e-adab

baT ga.ī bazm-e-suḳhan aise adākāroñ meñ

koī letā hī nahīñ bulbul-e-shaidā kī ḳhabar

buum aate haiñ nazar shāḳh pe gulzāroñ meñ

aaj mafqūd hai vo jazba-e-ashāb-e-rasūl

raqs karte the jo talvār kī jhankāroñ meñ

jis ke aslāf kī azmat ke nishāñ haiñ har sū

jaa.e ibrat hai vahī qaum hai nādāroñ meñ

log kahte haiñ use qasr-e-tamannā apnā

jis ke aslāf the apne kabhī me.amāroñ meñ

jo kabhī mere ishāroñ pe chalā karte the

ḳhū-e-iḳhlās vo baaqī na rahī yāroñ meñ

naam hai saf.ha-e-hastī se ab un kā ġhā.eb

mulk-o-millat ke jo 'barqī' the vafādāroñ meñ

mushtahar nam karo tum mera aKHbaron mein

main to shamil hun mohabbat ke gunahgaron mein

mar ke bhi zinda-e-jawed hain fankar-e-azim

jo nazar aate hain tariKH ke shah-paron mein

waqt ke sath badal jate hain jin ke atwar

mujhe shamil na karo aise qalam-karon mein

log ab ghar se nikalte hue yun Darte hain

nazr-e-dahshat kahin ho jaen na bazaron mein

jin ke sur tal hain ab raunaq-e-bazar-e-adab

baT gai bazm-e-suKHan aise adakaron mein

koi leta hi nahin bulbul-e-shaida ki KHabar

bum aate hain nazar shaKH pe gulzaron mein

aaj mafqud hai wo jazba-e-ashab-e-rasul

raqs karte the jo talwar ki jhankaron mein

jis ke aslaf ki azmat ke nishan hain har su

jae ibrat hai wahi qaum hai nadaron mein

log kahte hain use qasr-e-tamanna apna

jis ke aslaf the apne kabhi meamaron mein

jo kabhi mere ishaaron pe chala karte the

KHu-e-iKHlas wo baqi na rahi yaron mein

nam hai safha-e-hasti se ab un ka ghaeb

mulk-o-millat ke jo 'barqi' the wafadaron mein