musibat ka ye lamha kaTna hai

musībat kā ye lamha kāTnā hai

mujhe auroñ se achchhā kāTnā hai

darāñtī fikr kī painī karūñgā

mujhe misre ko thoḌā kāTnā hai

abhī maidān se bāhar na hoñge

hameñ kuchh din to jalva kāTnā hai

ġhanīm-e-mulk se jīteñge ham hī

zarā ik aadh dasta kāTnā hai

bichhaḌ kar us se zinda huuñ abhī tak

aziyyat kā ye vaqfa kāTnā hai

amal ke nit-na.e teshe banā kar

mujhe qismat kā likkhā kāTnā hai

burā to kaaT leñge vaqt tanhā

tumhāre saath achchhā kāTnā hai

maiñ us se muskurā kar hī milūñgā

ḳhushī se aaj ġhussa kāTnā hai

anā kī teġh ko kuchh tez kar lo

faqīro tum ko rutba kāTnā hai

hamārā ishq ho paayā na kāmil

so ab auroñ kā pattā kāTnā hai

musibat ka ye lamha kaTna hai

mujhe auron se achchha kaTna hai

daranti fikr ki paini karunga

mujhe misre ko thoDa kaTna hai

abhi maidan se bahar na honge

hamein kuchh din to jalwa kaTna hai

ghanim-e-mulk se jitenge hum hi

zara ek aadh dasta kaTna hai

bichhaD kar us se zinda hun abhi tak

aziyyat ka ye waqfa kaTna hai

amal ke nit-nae teshe bana kar

mujhe qismat ka likkha kaTna hai

bura to kaT lenge waqt tanha

tumhaare sath achchha kaTna hai

main us se muskura kar hi milunga

KHushi se aaj ghussa kaTna hai

ana ki tegh ko kuchh tez kar lo

faqiro tum ko rutba kaTna hai

hamara ishq ho paya na kaamil

so ab auron ka patta kaTna hai