musibat mein kisi ko mubtala koi nahin karta

musībat meñ kisī ko mubtalā koī nahīñ kartā

bure a.amāl se ye apne sar ḳhud laa.ī jaatī hai

bahāroñ kī tamanna hī nahīñ ai bāġhbāñ ya.anī

guloñ par tāzgī ḳhūn-e-jigar se laa.ī jaatī hai

zarūrat hai basīrat aañkh meñ paidā ho rādhā se

chhabī ghanshyām kī to har jagah hī paa.ī jaatī hai

ye dastūr-e-kuhan hai dosto rindoñ kī mahfil kā

diloñ kī baat mushkil se zabāñ par laa.ī jaatī hai

agarche ek sī rūdād hai farhād-o-majnūñ kī

magar ye muḳhtalif andāz se dohrā.ī jaatī hai

ye duniyā ham ko ab tak raas aa.ī hai na aa.egī

ye maanā dilkashī is meñ bhī kuchh kuchh paa.ī jaatī hai

bashar kī izzat-o-azmat zar-o-gauhar se kyā hogī

ye daulat vaz.a-dārī hī meñ 'lāġhar' paa.ī jaatī hai

musibat mein kisi ko mubtala koi nahin karta

bure aamal se ye apne sar KHud lai jati hai

bahaaron ki tamanna hi nahin ai baghban yani

gulon par tazgi KHun-e-jigar se lai jati hai

zarurat hai basirat aankh mein paida ho radha se

chhabi ghanshyam ki to har jagah hi pai jati hai

ye dastur-e-kuhan hai dosto rindon ki mahfil ka

dilon ki baat mushkil se zaban par lai jati hai

agarche ek si rudad hai farhad-o-majnun ki

magar ye muKHtalif andaz se dohrai jati hai

ye duniya hum ko ab tak ras aai hai na aaegi

ye mana dilkashi is mein bhi kuchh kuchh pai jati hai

bashar ki izzat-o-azmat zar-o-gauhar se kya hogi

ye daulat waza-dari hi mein 'laghar' pai jati hai