muskura dengi ye aankhen ashk bhar lane ke baad

muskurā deñgī ye āñkheñ ashk bhar laane ke baad

aur afsāna sunā.ūñgā is afsāne ke baad

abr-e-tīra-tār meñ taḌpīñ hazāroñ bijliyāñ

kis ne ye zulfoñ ko jhaTkā ruḳh pe bikhrāne ke baad

ro rahe the sab dar-o-dīvār tere hijr meñ

zarra-zarra hañs paḌā hai tere aa jaane ke baad

kuchh ḳhabar hai tujh ko āshiq par tire guzrī hai kyā

is hasīñ chehre par in zulfoñ ke lahrāne ke baad

vo kabhī mar hī nahīñ saktā jo tujh par jaan de

zinda-e-jāved ho jā.ūñgā mar jaane ke baad

aaj terī yaad meñ ḳhūn-e-jigar rulvā ga.iiñ

badliyāñ phūloñ pe kuchh motī se barsāne ke baad

yak-ba-yak parda uThā kar tuur kā sāmāñ kiyā

daf.atan phir chhup ga.e bijlī sī chamkāne ke baad

husn bhī āḳhir usī ḳhanjar kā bismil ho gayā

ishq ke majrūh dil ko ḳhuub taḌpāne ke baad

terī aamad ne dil-e-murda ko zinda kar diyā

phir shagufta ho gayā ye phuul murjhāne ke baad

muskurā detī haiñ kaliyāñ dekh kar terī bahār

phuul khil jaate haiñ tere sāmne aane ke baad

jī uThūñgā az-sar-e-nau phir se marne ke liye

phir marūñgā ho ke zinda tujh pe mar jaane ke baad

chhaT ga.iiñ tārīkiyāñ manzil numāyāñ ho ga.ī

ġham-zada dil par mire māyūsiyāñ chhāne ke baad

muskura dengi ye aankhen ashk bhar lane ke baad

aur afsana sunaunga is afsane ke baad

abr-e-tira-tar mein taDpin hazaron bijliyan

kis ne ye zulfon ko jhaTka ruKH pe bikhrane ke baad

ro rahe the sab dar-o-diwar tere hijr mein

zarra-zarra hans paDa hai tere aa jaane ke baad

kuchh KHabar hai tujh ko aashiq par tere guzri hai kya

is hasin chehre par in zulfon ke lahrane ke baad

wo kabhi mar hi nahin sakta jo tujh par jaan de

zinda-e-jawed ho jaunga mar jaane ke baad

aaj teri yaad mein KHun-e-jigar rulwa gain

badliyan phulon pe kuchh moti se barsane ke baad

yak-ba-yak parda uTha kar tur ka saman kiya

dafatan phir chhup gae bijli si chamkane ke baad

husn bhi aaKHir usi KHanjar ka bismil ho gaya

ishq ke majruh dil ko KHub taDpane ke baad

teri aamad ne dil-e-murda ko zinda kar diya

phir shagufta ho gaya ye phul murjhane ke baad

muskura deti hain kaliyan dekh kar teri bahaar

phul khil jate hain tere samne aane ke baad

ji uThunga az-sar-e-nau phir se marne ke liye

phir marunga ho ke zinda tujh pe mar jaane ke baad

chhaT gain tarikiyan manzil numayan ho gai

gham-zada dil par mere mayusiyan chhane ke baad