muskura doge to ye raat sanwar jaegi
muskura doge to ye raat sanwar jaegi
Hans Raj Sachdev 'hazii.n'
MORE BYHans Raj Sachdev 'hazii.n'
muskurā doge to ye raat sañvar jā.egī
hañs jo doge to fazā aur nikhar jā.egī
apnī manzil pe pahuñch jā.egī betāb nazar
apne markaz pe na pahuñchī to kidhar jā.egī
kaash us husn-e-ḳhud-ārā se koī jā ke kahe
zulf ko laakh sañvāre ye bikhar jā.egī
muntazir shaam se un kā huuñ magar jāntā huuñ
aaj kī raat bhī āñkhoñ meñ guzar jā.egī
aap bhī zulf-e-pareshāñ ko haTā leñ ruḳh se
mere chhūne se to nāgin ye biphar jā.egī
hāl-e-dil kyuuñ na 'hazīñ' aaj guloñ se kah duuñ
nik.hat-e-gul bhī mire dost ke ghar jā.egī
muskura doge to ye raat sanwar jaegi
hans jo doge to faza aur nikhar jaegi
apni manzil pe pahunch jaegi betab nazar
apne markaz pe na pahunchi to kidhar jaegi
kash us husn-e-KHud-ara se koi ja ke kahe
zulf ko lakh sanware ye bikhar jaegi
muntazir sham se un ka hun magar jaanta hun
aaj ki raat bhi aankhon mein guzar jaegi
aap bhi zulf-e-pareshan ko haTa len ruKH se
mere chhune se to nagin ye biphar jaegi
haal-e-dil kyun na 'hazin' aaj gulon se kah dun
nikhat-e-gul bhi mere dost ke ghar jaegi
- Book : SAAZ-O-NAVA (Pg. 137)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
