muskuraate hue chehre se wo manzar nikla

muskurāte hue chehre se vo manzar niklā

jeb jab us kī TaTolī maiñ ne ḳhanjar niklā

chain se qabr meñ bhī rahne nahīñ detā hai

aur koī nahīñ vo merā mujāvir niklā

baañT detā hai vo jholī meñ bharī sab ḳhushiyāñ

ham ne samjhā jise qatra vo samundar niklā

apne āñchal meñ chhupā letī hai duniyā ke ġham

dil merī maañ kā samundar se bhī baḌh kar niklā

aaj āshram meñ paTak aayā vo būḌhī maañ ko

mom ham jis ko samajhte rahe patthar niklā

mom ham jis ko samajhte rahe patthar niklā

paḌ ga.e pīchhe mire aaj zamāne vaale

jab maiñ nafrat bharī dīvār girā kar niklā

vaqt kaTtā nahīñ ab un ke binā yāroñ ab

das mahīne to ga.e ab ye november niklā

das mahīne to ga.e ab ye november niklā

us ko puujā maiñ ne bhagvān samajh kar 'indorī'

āzmāyā to faqat raah kā patthar niklā

muskuraate hue chehre se wo manzar nikla

jeb jab us ki TaToli main ne KHanjar nikla

chain se qabr mein bhi rahne nahin deta hai

aur koi nahin wo mera mujawir nikla

banT deta hai wo jholi mein bhari sab KHushiyan

hum ne samjha jise qatra wo samundar nikla

apne aanchal mein chhupa leti hai duniya ke gham

dil meri man ka samundar se bhi baDh kar nikla

aaj aashram mein paTak aaya wo buDhi man ko

mom hum jis ko samajhte rahe patthar nikla

mom hum jis ko samajhte rahe patthar nikla

paD gae pichhe mere aaj zamane wale

jab main nafrat bhari diwar gira kar nikla

waqt kaTta nahin ab un ke bina yaron ab

das mahine to gae ab ye nowember nikla

das mahine to gae ab ye nowember nikla

us ko puja main ne bhagwan samajh kar 'indori'

aazmaya to faqat rah ka patthar nikla