mustahiq wo lazzat-e-gham ka nahin

Ali Ahmad Jalili

mustahiq wo lazzat-e-gham ka nahin

Ali Ahmad Jalili

MORE BYAli Ahmad Jalili

    mustahiq vo lazzat-e-ġham nahīñ

    jis ne ḳhud apnā lahū chakkhā nahīñ

    us shajar ke saa.e meñ baiThā huuñ maiñ

    jis shāḳhoñ par koī pattā nahīñ

    kaun detā hai dar-e-dil par sadā

    kah do maiñ bhī ab yahāñ rahtā nahīñ

    ban rahe haiñ sat.h-e-dil par dā.ere

    tum ne to patthar koī pheñkā nahīñ

    uñgliyāñ kāñToñ se zaḳhmī ho ga.iiñ

    haath phūloñ tak abhī pahuñchā nahīñ

    ek ḳhushbū saath jo pal bhar rahī

    umr bhar pīchhā mirā chhoḌā nahīñ

    vo maqām-e-fikr hai mirā 'alī'

    jis bulandī tak koī pahuñchā nahīñ

    mustahiq wo lazzat-e-gham ka nahin

    jis ne KHud apna lahu chakkha nahin

    us shajar ke sae mein baiTha hun main

    jis ki shaKHon par koi patta nahin

    kaun deta hai dar-e-dil par sada

    kah do main bhi ab yahan rahta nahin

    ban rahe hain sath-e-dil par daere

    tum ne to patthar koi phenka nahin

    ungliyan kanTon se zaKHmi ho gain

    hath phulon tak abhi pahuncha nahin

    ek KHushbu sath jo pal bhar rahi

    umr bhar pichha mera chhoDa nahin

    wo maqam-e-fikr hai mera 'ali'

    jis bulandi tak koi pahuncha nahin

    Source :
    • Book : Mujalla Dastavez (Pg. 241)
    • Author : Aziz Nabeel
    • Publication : Edarah Dastavez (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY