mustaqbil ki aankh pahan ke durust andaza roe the

mustaqbil kī aañkh pahan ke durust andāza ro.e the

baasī shahr pe rone vaale bilkul taaza ro.e the

yādoñ kī zambīl khulī to chaukhaT hasrat-nāk huī

kuchh lamhe dīvār se lipTe kuchh darvāza ro.e the

baras rahī thī bāġh-e-adan se chham-chham ġham kī hariyālī

peḌ falak ke darvāze par yak-āvāza ro.e the

kājal kājal bahte ga.e the surḳh saver ke Dore meñ

aañkh meñ kuchh ḳhvāboñ ke chehre ġhāza-ġhāza ro.e the

piile paat utar aa.e the sabz kitāb ke mātam meñ

kuchh bikhre aurāq pe taḌpe kuchh shīrāza ro.e the

nasloñ ke sailāb ke aage koī muñDer na Thahrī thī

bastī ke muñh-zor Thikāne be-darvāza ro.e the

kis kī shah par fasl hañsī thī kaun nasībe vaalā thā

ham to kore sahrāoñ par be-ḳhamyāza ro.e the

mustaqbil ki aankh pahan ke durust andaza roe the

basi shahr pe rone wale bilkul taza roe the

yaadon ki zambil khuli to chaukhaT hasrat-nak hui

kuchh lamhe diwar se lipTe kuchh darwaza roe the

baras rahi thi bagh-e-adan se chham-chham gham ki hariyali

peD falak ke darwaze par yak-awaza roe the

kajal kajal bahte gae the surKH sawer ke Dore mein

aankh mein kuchh KHwabon ke chehre ghaza-ghaza roe the

pile pat utar aae the sabz kitab ke matam mein

kuchh bikhre auraq pe taDpe kuchh shiraaza roe the

naslon ke sailab ke aage koi munDer na Thahri thi

basti ke munh-zor Thikane be-darwaza roe the

kis ki shah par fasl hansi thi kaun nasibe wala tha

hum to kore sahraon par be-KHamyaza roe the