na apni kahna na meri sunna koi sunega to kya kahega

na apnī kahnā na merī sunñā koī sunegā to kyā kahegā

akele ronā akele hañsnā koī sunegā to kyā kahegā

Dhalak ke qadmoñ pe aa ke girnā ye hālat-e-be-ḳhudī meñ āñchal

ḳhayāl itnā bhī ab na rakhnā koī sunegā to kyā kahegā

ye be-jhijhak zulf kī baġhāvat nigāh-o-ruḳhsār-o-lab pe qabze

sañvarne vāloñ kā ye bikharnā koī sunegā to kyā kahegā

samajh na sāñsoñ ko bojh itnā udaas rahnā bhī ḳhud-kushī hai

ḳhud apnī hastī tabāh karnā koī sunegā to kyā kahegā

kaho ki ab aa.egī qayāmat tumheñ nahīñ hai merī zarūrat

tumhārā yuuñ faisle se haTnā koī sunegā to kyā kahegā

Dhalakte ashkoñ kā raaz kholo batāo kyā ġham hai kuchh to bolo

hamāre hote udaas rahnā koī sunegā to kyā kahegā

hazār chāhā manā luuñ 'anvar' magar vo ab tak ḳhafā haiñ mujh se

qarīb rahte hue na milnā koī sunegā to kyā kahegā

na apni kahna na meri sunna koi sunega to kya kahega

akele rona akele hansna koi sunega to kya kahega

Dhalak ke qadmon pe aa ke girna ye haalat-e-be-KHudi mein aanchal

KHayal itna bhi ab na rakhna koi sunega to kya kahega

ye be-jhijhak zulf ki baghawat nigah-o-ruKHsar-o-lab pe qabze

sanwarne walon ka ye bikharna koi sunega to kya kahega

samajh na sanson ko bojh itna udas rahna bhi KHud-kushi hai

KHud apni hasti tabah karna koi sunega to kya kahega

kaho ki ab aaegi qayamat tumhein nahin hai meri zarurat

tumhaara yun faisle se haTna koi sunega to kya kahega

Dhalakte ashkon ka raaz kholo batao kya gham hai kuchh to bolo

hamare hote udas rahna koi sunega to kya kahega

hazar chaha mana lun 'anwar' magar wo ab tak KHafa hain mujh se

qarib rahte hue na milna koi sunega to kya kahega