na baDhne dega musalsal mere gunah koi

na baḌhne degā musalsal mire gunāh koī

ki rakh rahā hai mirī raah par nigāh koī

sunā hai ham ne ki insān hai ḳhasāre meñ

so apne dil meñ panapne hī dī na chaah koī

hamāre mulkoñ meñ tā'līm phir hai zer-e-sitam

sitamgaroñ se bachā.egī dars-gāh koī

ye nafratoñ ke shajar aur jhuuT kī fasleñ

suno to mādar-e-gītī ke lab kī aah koī

ye roz roz kī baḌhtī huī ghuTan 'shārib'

sadā.eñ detī hai DhūñDo na.ī panāh koī

na baDhne dega musalsal mere gunah koi

ki rakh raha hai meri rah par nigah koi

suna hai hum ne ki insan hai KHasare mein

so apne dil mein panapne hi di na chah koi

hamare mulkon mein ta'lim phir hai zer-e-sitam

sitamgaron se bachaegi dars-gah koi

ye nafraton ke shajar aur jhuT ki faslen

suno to madar-e-giti ke lab ki aah koi

ye roz roz ki baDhti hui ghuTan 'shaarib'

sadaen deti hai DhunDo nai panah koi