na buton tak na hum allah ke ghar tak pahunche

na butoñ tak na ham allāh ke ghar tak pahuñche

apne naale na kabhī bāb-e-asar tak pahuñche

hausla dil kā rahā dil meñ nazāra kaisā

laakh chāhā na magar aap ke ghar tak pahuñche

rut javānī kī ga.ī ālam-e-pīrī aaya

ghar se shab ko chale manzil pe sahar tak pahuñche

naqsh-e-pā bhī na unheñ ik nazar aaya haihāt

jo tahī-baḳht tirī rāhguzar tak pahuñche

mo'atabar logoñ se ham ne ye sunā hai 'mas.ūd'

dar se uTh kar tire allāh ke ghar tak pahuñche

na buton tak na hum allah ke ghar tak pahunche

apne nale na kabhi bab-e-asar tak pahunche

hausla dil ka raha dil mein nazara kaisa

lakh chaha na magar aap ke ghar tak pahunche

rut jawani ki gai aalam-e-piri aaya

ghar se shab ko chale manzil pe sahar tak pahunche

naqsh-e-pa bhi na unhen ek nazar aaya haihat

jo tahi-baKHt teri rahguzar tak pahunche

mo'atabar logon se hum ne ye suna hai 'masud'

dar se uTh kar tere allah ke ghar tak pahunche