na dalilen na hi ababilen

na dalīleñ na hī abābīleñ

sabr ke ghūñT haiñ vahī pī leñ

kaisī be-ḳhvāb haiñ sabhī āñkheñ

jis tarah ḳhushk-o-be-amāñ jhīleñ

maat khā jaa.eñ zabt se apne

aur insāniyat pe baazī leñ

ek insān kā lahū kar ke

us pe shaitān kī gavāhī leñ

kuuch kar jaa.eñ aise kūche se

saath nākāmiyoñ kī pūñjī leñ

jahl meñ sahl hai unheñ shāyad

us pe ik dūsre se thapkī leñ

bas nahīñ chal rahā farishtoñ kā

varna palTī huī ye dhartī leñ

jin ke shajre meñ bas jahālat hai

un se nasloñ kī rahnumā.ī leñ

raakh sūraj hī kī nikaltī hai

jab kisī raat kī talāshī leñ

ye siyāhī hai is liye shāyad

taaki aḳhbār apnī surḳhī leñ

kitne hī girye ham pe vājib haiñ

par suhūlat nahīñ ki ruuhī leñ

sirf paidā hoñ us zamāne meñ

aur phir 'umr bhar tasallī leñ

saḳht nādim huuñ apne bachchoñ se

yahī māhaul hai agar jī leñ

na dalilen na hi ababilen

sabr ke ghunT hain wahi pi len

kaisi be-KHwab hain sabhi aankhen

jis tarah KHushk-o-be-aman jhilen

mat kha jaen zabt se apne

aur insaniyat pe bazi len

ek insan ka lahu kar ke

us pe shaitan ki gawahi len

kuch kar jaen aise kuche se

sath nakaamiyon ki punji len

jahl mein sahl hai unhen shayad

us pe ek dusre se thapki len

bas nahin chal raha farishton ka

warna palTi hui ye dharti len

jin ke shajre mein bas jahaalat hai

un se naslon ki rahnumai len

rakh suraj hi ki nikalti hai

jab kisi raat ki talashi len

ye siyahi hai is liye shayad

taki aKHbar apni surKHi len

kitne hi girye hum pe wajib hain

par suhulat nahin ki ruhi len

sirf paida hon us zamane mein

aur phir 'umr bhar tasalli len

saKHt nadim hun apne bachchon se

yahi mahaul hai agar ji len