na daulat ki talab thi aur na daulat chahiye hai

Farhat Nadeem Humayun

na daulat ki talab thi aur na daulat chahiye hai

Farhat Nadeem Humayun

MORE BY Farhat Nadeem Humayun

    na daulat talab thī aur na daulat chāhiye hai

    mohabbat chāhiye thī bas mohabbat chāhiye hai

    sahā jaatā nahīñ ham se ġham-e-hijr-e-musalsal

    zarā der ko terī rifāqat chāhiye hai

    tirā dīdār ho āñkheñ kisī bhī samt dekheñ

    so har chehre meñ ab terī shabāhat chāhiye hai

    kiyā hai ne jab tark-e-ta.alluq irāda

    hameñ bhī faisla karne mohlat chāhiye hai

    ye kyuuñ kahte ho rāh-e-ishq par chalnā hai ham ko

    kaho ki zindagī se ab farāġhat chāhiye hai

    nahīñ hotī hai rāh-e-ishq meñ āsān manzil

    safar meñ bhī to sadiyoñ masāfat chāhiye hai

    ġham-e-jānāñ ke bhī kuchh der to ham naaz uThā leñ

    ġham-e-daurāñ se thoḌe din ruḳhsat chāhiye hai

    har ik apnī zarūrat ke tahat ham se hai miltā

    hameñ bhī ab koī hasb-e-zarūrat chāhiye hai

    hai jab se mun.akis chehra badalne vo manzar

    hamārī ā.ina-āñkhoñ ko hairat chāhiye hai

    jo nikleñ ālam-e-vahshat se phir kuchh aur socheñ

    ḳhirad se rābte rakhne ko fursat chāhiye hai

    na daulat ki talab thi aur na daulat chahiye hai

    mohabbat chahiye thi bas mohabbat chahiye hai

    saha jata nahin hum se gham-e-hijr-e-musalsal

    zara si der ko teri rifaqat chahiye hai

    tera didar ho aankhen kisi bhi samt dekhen

    so har chehre mein ab teri shabahat chahiye hai

    kiya hai tu ne jab tark-e-talluq ka irada

    hamein bhi faisla karne ki mohlat chahiye hai

    ye kyun kahte ho rah-e-ishq par chalna hai hum ko

    kaho ki zindagi se ab faraghat chahiye hai

    nahin hoti hai rah-e-ishq mein aasan manzil

    safar mein bhi to sadiyon ki masafat chahiye hai

    gham-e-jaanan ke bhi kuchh der to hum naz uTha len

    gham-e-dauran se thoDe din ki ruKHsat chahiye hai

    har ek apni zarurat ke tahat hum se hai milta

    hamein bhi ab koi hasb-e-zarurat chahiye hai

    hai jab se munakis chehra badalne ka wo manzar

    hamari aaina-ankhon ko hairat chahiye hai

    jo niklen aalam-e-wahshat se phir kuchh aur sochen

    KHirad se rabte rakhne ko fursat chahiye hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY